Obxecto da acción

A Rede de Xestores de Innovación de Galicia (XIGA) será o resultado dun programa piloto de formación de técnicos especialistas en materia de I+D+i e a súa inserción laboral nas Pemes galegas que resulten beneficiarias. A Dirección Xeral de I+D+i liderará e financiará o adestramento destes profesionais para convertelos en expertos na xestión de proxectos innovadores e daralles facilidades ás empresas para a súa contratación, condicionando a intensidade deste apoio á realización efectiva de proxectos e á consolidación da estrutura de I+D+i na empresa.